Wala direkta nga ginsabat ni Senator Risa Hontiveros ang palamangkutanon kon may plano bala nga itake-over sang mayorya ang kontrol sa Senado ukon indi, kasunod ini sang pahayag ni Senate President Alan Peter Cayetano nga may posible naman nga “kudeta” nga matabo.
Suno kay Sen. Hontiveros, ginpahayag sini nga kaangay madamo sang nahibaluan ang bag-o nga Senate President.
Pahayag pa sini nga matapos sang kahuy-anan kag kinagamo nga nagluntad sang nagligad nga gab-i sang Mayo 13 kun sa diin may baslanay sang lupok nga nagluntad sa sulod mismo sang senate building, kinahanglan suno sa iya nga ibalik ang daan nga imahe sang senado.
Ginpahayag sang Senadora nga wala kuntani sang may natabo nga kaangay nga insidente kun si Former Tito Sotto pa ang nagapungko bilang Senate President.
Dugang pa ni Hontiveros nga dapat mabalik ang respeto sang tawo sa Senado nga nagabuhat sang insakto kun sa diin kun may ara sang warrant of arrest nga ginaserbe sa kaangay man nila nga opisyal dapat nga magsunod ini sa layi kag dapat nga pagaatubangon sang natungdan ang iya sala nga nabuhat.
Suno pa kay Hontiveros nga kuntani bilang isa ka senate president nga naghatag man kuntani sang maayo nga ehemplo si Cayetano kag nalikawan pa kuntani ang mga kaangay nga hitabo.
