Ginhikayan ni Senator Robin Padilla ang mga kabataan sa subong nga henerasyon kag gintawag niya nga weak ukon mahina nga mga indibidwal ang mga ini.
Ini nga pahayag naggwa sa hearing sang Senate Committee on Public Information and Mass Media kahapon nga adlaw nahanungod sa Children’s Safety in Social Media Act.
Suno sa senador, ang mga kabataan sa karon indi kaangay sang ila tyempo sang una nga indi palahibi kag indi pa sa ila uso ang ginatawag nga depression.
Ginpahayag man sang senador nga may pila ka mga mamalidha nga gusto i-regulate ang pagdumili sang social media sa mga kabataan lakip na diri ang pagbutang sang age limit nga 16.
Suno naman sa Cybercrime Investigation and Coordinating Center nga kinahanglan nga ibalansehon ang interes sa mga ini.
Dugang pa sini nga maayo para sa Pilipinas nga mahibaluan halin sa iban nga pungsod ang pagpatuman sang ila tagsa-tagsa ka resolusyon sa sini nga regulasyon sa pagdumili sang paggamit sag social media.
