Ginpatigayon na subong nga hapon ang send-off ceremony sang kapin 7,200 ka mga uniformed personnel kag force multipliers nga magabantay sa Dinagyang Festival 2025.
Ini ginabug-usan sang mga myembro sang Philippine National Police, Bureau of Fire Protection, Philippine Army, Philippine Coast Guard, Bureau of Jail Management and Penology kag mga volunteer groups.
Ginhiwat ang seremonya sa Iloilo Freedom Grandstand nga gintambungan ni Police Regional Office 6 Director PBGen. Jack Wanky.
Si Iloilo City Police Office Director Col. Kim Legada ang nagaserbe nga Dinagyang Site Task Group Head.
Sa interview sang Bombo Radyo kay Legada, iya ginpahayag nga ginasigurado niya nga alerto ang tanan nga nagabug-os sang task group agud nga mapabilin ang kalinong kag katawhay sa kabilugan nga pagpatigayon sang Dinagyang.
