Masobra 10 na ka tuig sang nagsugod nga indi na makalakat ang bed-ridden nga senior citizen nga nalakip sa sunog sa Barangay Rizal Lapuz, Sur, Iloilo City.
Ang biktima amo si Susan Aytona, 68-anyos, residente sang nasambit nga lugar.
Sa interview sang Bombo Radyo kay Faustino Aytona Jaruda, pakaisa sang biktima, iya ginpahayag nga halin sa Barotac Nuevo, nagdesisyon na lang ang ila pamilya nga dal-on ang biktima sa Lapuz agud nga atipanon kasunod sang insidente.
Suno kay Jaruda, mahambal pa man ang biktima apang may ginasuprer nga problema sa paminsaron.
Ginpahayag man sini nga wala siya nakahibalo nga wala sang kaupod ang iya pakaisa sa ila balay kag sang nagpauli siya, abo na lang gid ang iya naabtan.
Naglaum man ang natungdan nga nahakwat ang biktima agud nga luwason, apang sa ulihi na lamang nila natukiban nga wala gali ini natandog sa iya hiligdaan.
Indi magnubo sa 15 ka mga balay ang nasunog sa nasambit nga lugar, kon sa diin, tubtob subong padayon pa nga ginaimbestigaran ang insidente agud matumod ang rason sang sunog.
