PAVIA, ILOILO – Hungod nga naglumpat sa taytay kag indi aksidente ang natabo sa isa ka senior citizen sa Pavia, Iloilo.
Ang biktima ang ginkilala nga si Hernan Gonzaga, 69, sang nasambit nga banwa.
Sa interview sang Bombo Radyo kay Police Master Sergeant Jeffrey Ubaob, imbestigador sang Pavia Municipal Police Station, iya ginpahayag nga sa ila pagpakig-angot sa tiayon ni Gonzaga, nahibaluan nga nakaagi na nga stroke ang biktima.
Suno kay Ubaob, kun mag-istorya si Gonzaga sa iya tiayon, halos kalabanan niya nga ginahambal amo nga luyag niya maglumpat sa taytay.
Posible nga naapektuhan man sang stroke ang utok sang biktima bangud nga kun kaisa nagabalik sa panimuot sang bata ang iya kaisipan.
Nakaangkon naman sang neck injury, bali sa spinal cord kag bali sa nawala nga kamot ang biktima nga gintunaan sang iya kamatayon.
