Ginbawian gid sang kabuhi ang senior citizen nga ginapatihan nalampos ang ulo matapos nahulog samtang ginapunggan ang atop sang ila balay nga ginpalid ni Bagyong Kristine sa Sitio Tunga, Brgy. Bagacay, San Rafael, Iloilo.
Ang ginbawian sang kabuhi amo si Teofilo Montealto, 77-anyos, sang nasambit nga barangay.
Sa interview sang Bombo Radyo kay Police Staff Sergeant Rolyn Alag, imbestigador sa San Rafael Municipal Police Station, iya ginpahayag nga bangud sa mabaskog nga hangin nagkalalupad ang atop sang balay sang biktima rason nga ginsaka ya ini para punggan, apang nahulog ini.
Suno kay Alga, isahanon lang ang senior citizen sa iya balay rason nga ulihi na natalupangdan ang natabu kag nasapwan nalang ini nga wala sang kabuhi.
Ginsaysay man sang natungdan nga natabo ang insidente sang Oktubre 24, apang Oktubre 25 na sang nareport sa awtoridad.
