Ginbawian sang kabuhi ang isa ka 19-anyos nga senior high school student matapos maigo sang nagtalang nga bala sa Bangsamoro Autonomous Region in Muslim Mindanao (BARMM).
Base sa imbestigasyon, may engkwentro sa tunga sang duha ka dalagko nga mga pamilya, kag sa malain nga palad, naigo sang bala ang estudyante nga si Nadia Haron Ebad, residente sang Brgy, Damatulan, Nabalawag sa Special Geographic Area sang rehiyon.
Ginpahayag nga ma-evacuate kuntani sila agud makalikaw sa ginamo apang sang may ginkuha ini sa ila balay, didto na siya naigo sang bala.
Wala pa gilayon narekober ang iya bangkay kag ginhulat anay nga mag-untat ang tiniruhay antes siya nakadtuan sa area kun diin siya napatay.
Gilayon naman ini nga ginlubong bilang pagsunod sa tradisyon sang mga Muslim nga kinahanglan malubong ini sa sulod sang 24 oras.
