ILOILO CITY – Natandog gid ang balatyagon sang isa ka 17 anyos nga estudyante sa natabo nga Iloilo Strait tragedy rason kun nga-a nakahimu siya sang tula para sa mga suvivor kag nagkalamatay sa nasambit nga hitabo.
Sa interview sang Bombo Radyo kay JV Tentativa, Grade 11 student sang Iloilo National High School, iya ginpahayag nga ang pagsulat ang iya na nga nakahiligan.
Ginpahayag ni Tentativa nga makahalanusbo ang natabo nga trahedya sa diin 31 gid ang ginbawi-an sang kabuhi.
Sang adlaw mismo nga natabo ang insidente, ginpahayag ni Tentativa nga iya nahibalu-an ang masubo nga balita paagi sa Bombo Radyo.
Iya nga napakig-angutan ang isa sa mga survivor nga si Roxie Garcia nga isa ka iloy.
Ginpahayag ni Tentativa nga bilang isa ka anak, tuman siya nga nasakitan sa ekseryensya ni Garcia nga nagtinguha nga makaluwas para sa iya kabataan.
Si Garcia suno sa natungdan ang nagserbe nga tiglawas sang tanan nga survivor sa nasambit nga insidente.
Magluwas sa mga survivor, nagbalay man sang tula si Tentativa para sa mga nagkalamatay.
Yari ang kabahin sang tula ni Tentativa para sa mga survivor sang Iloilo Strait tragedy:
Samtang, yari naman ang kabahin sang tula ni Tentativa para sa mga napatay nga pasahero:
