ILOILO CITY – Ginkoronahan ang Senior High School student gikan sa West Visayas State University bilang Miss Paraw Regatta 2018 sa coronation night nga ginpatigayon kagab-i sa Diamond Jubilee Hall sang DepEd Iloilo.
Nagpangibabaw si Keziah Bartolome sang Villa San Lorenzo, La Paz, Iloilo City gikan sa 13 ka mga nagpaindis-indis sa titulo.
Ginkilala naman bilang first runner-up si Janeen Dale Geroso, 20, kag second year BS Biology student sa Central Philippine University.
Second runner-up si Iryne Jo Vilches, 17, Senior High School student sang Guimaras State College samtang 3rd runner-up naman si Tsina Jade Chu sang University of the Philippines kag 4th runner-up si Christy Moneva sang Cabatuan National Comprehensive High School.
Ang Miss Paraw Regatta ang kabahin sang Paraw Regatta Festival nga isa ka tuigan nga atraksyon sa Iloilo.
Ang Paraw Regatta amo ang paindis-indis sang maduagon nga mga bangka sa kadagatan nga natung-an sang Iloilo kag probinsiya sang Guimaras.
