ILOILO CITY – Handa na ang delegasyon sang Pilipinas sa Sepak Takraw, para sa Southeast Asian (SEA) Games nga hiwaton sa Malaysia.
Sa interview sang Bombo Radyo Iloilo, ginpahayag sang coach nga si Hector Memarion nga natapos na ang ila training kag sa karon focus na lang sa conditioning.
Target sang team nga makakuha sang lima ka medalya kun sa diin tatlo diri ang posible gold medals.
Kampante si Memarion sa performance sang iya mga atleta nga sang nagligad nga tuig nangin world champion sa Kings Cup sa Thailand.
Nagpasalamat naman ang coach sa Iloilo City nga naghatag sa ila sang akomodasyon kag pahanugot para gamiton sang libre ang pasilidad sang siyudad para sa training.
Nahibaluan nga sa Dipolog City kuntani ang training sang Sepak Takraw athletes apang nagdesisyon ang Philippine Sports Commission nga i-pullout sila sa lugar kasunod sang kinagamo sa Marawi City.
Wala sila sang magamit nga pasilidad sa Manila para sa training rason nga nagpangayo sang bulig sa Iloilo City government nga nag-akomodar sa ila.