ILOILO CITY – Liwat nga nagbalik sa top spot si Novak Djokovic sa ATP rankings nga gin-publish sang Lunes apisar nga na-miss sini ang tournament sa Estados Unidos sang nagligad nga bulan bangud sa kapaslawan sini nga magpabakuna batuk sa Coronavirus Disease 2019.
Gin-agaw ni Carlos Alcaraz ang top ranking nagikan kay Djokovic matapos ang kadalag-an sa Indian Wells apang nalutos ini sa semi-finals sa Miami Open sang Byernes rason nga nagbalik sa top spot ang Serbian champion.
Si Djokovic ang may 380-point lead kay Alcaraz samtang si Stefanos Tsitsipas sang Greece ang nagapangatlo.
Samtang, si Daniil Medvedev naman sang Russia ang yara sa ika-apat nga pwesto kag si Rafael Nadal sang Spain ang yara sa ika-14 nga pwesto.
