ILOILO CITY — Ginpasakaan sang sampaw sampaw nga kaso sang police ang serial rapist kag duha sini ka mga kaupdanan matapos magpang carnap, kidnap, kag magpanghimulos sang ila biktima.
Ginpahayag ni Mandurriao Police Chief Al Bigay sa exclusive interview sang Bombo Radyo nga ginpasaka na nila ang kaso nga carnapping, Rape with Sexual Assault, Serious Illegal Detention kag Grave Threats batok kanday Sirius Gim Villareal kag Reymund Cordero.
Tatlo naman ka kaso ang ginpasaka batok kay Robert Tingson nga ginalakipan sang Serious Illegal Detention, carnapping kag Grave Threats.
Suno kay Chief Inspector Bigay, wala na ginpasakaan sang kaso nga rape with sexual assault si Tingson tungod mismo ang 24 anyos nga biktima nga babayi ang nagpahayag nga wala ini makatandog sa iya.
Nahibaluan nga ginpasakaan man sang kaso nga Illegal Posession of Firearms and Ammunition sang Barotac Viejo PNP si Sirius Gim Villareal.