Nagpatas na sa 2-2 ang serye sa best-of-seven finals sa PBA Season 49 Governors’ Cup matapos ang back-to-back wins sang Barangay Ginebra batok sa defending champions nga TNT Tropang Giga.
Nakabalik na sa orihinal nga porma sa opensa si Justin Brownlee sa 106-92 win sang Gin Kings sa Game 4 sa Smart Araneta Coliseum sa Cubao subong nga gab-i.
Apisar may 34 points, six rebounds, four assists, kag one steal ang three-time Best Import, si Stephen Holt ang gin-deklarar nga Best Player of the Match matapos ang impresibo nga 18 points, three rebounds, two assists kag five steals lakip ang back-breaking shots sa hingapusan sang hampang.
Magluwas sa duha, sanday Maverick Ahanmisi kag Japeth Aguilar ang pareho nga may tag-18 puntos para sa Gin Kings.
Hulom naman sa hampang ang recently-crowned Best Import nga si Rondae Hollis-Jefferson nga amo man ang nagpanguna sa TNT nga may 28 points, nine rebounds, four assists, kag two steals. Daku naman ang nahimo ni Calvin Oftana para sa team nga may 26 points kun sa diin 20 ang nabubo sa first half antes nalimitahan sa sais puntos sa second half.
Natalana ang Game 5 sa Miyerkules, Nobyembre 6, sa pareho nga venue.
Scores:
Ginebra 106 – Brownlee 34, Ahanmisi 18, J.Aguilar 18, Holt 18, Thompson 12, Abarrientos 5, Devance 1, Tenorio 0, Cu 0, Pinto 0.
TNT 92 – Hollis-Jefferson 28, Oftana 26, Nambatac 15, Castro 9, Pogoy 9, Erram 3Aurin 2, Heruela 0, Khobuntin 0, Williams 0.
Quarters: 30-25, 54-42, 85-77, 106-92.
