ILOILO – Wala quorum ang session sa Sangguniang Panlalawigan sa probinsya sang Iloilo bangud kulang ang mga board members nga nagtambong.
Sa interview sang Bombo Radyo kay Iloilo 4th District Board Member Rolly Distura, ang nagpungko bilang presiding officer, iya ginpahayag nga istoryahan kun tani sa session ang hingyo ni Iloilo Governor Arthur Toto Defensor Jr. nga hatagan siya sang otoridad nga mapirmahan na ang bank documents kag cheques nga para sa sweldo sang mga empleyado sang provincial government.
May yara sang kabug-osan nga 14 ka mga board membersa ng Sangguanniang Panlalawigan apang pito lamang ang nagtambong sa session.
Lakip na diri sanday Distura, 1st District Board Member Renee Valencia, 2nd District Board Member Rolito Cajilig, 2nd District Board Member June Mondejar, 3rd District Board Member Matt Palabrica, 3rd district Board Member Jason Gonzales kag Philippine Councilors League Licurgo Tirador.
On-official business naman sanday 1st District Board Member Marcelo Valentine Serag, 5th District Board Member Carol Espinosa-Diaz, 5th District Board Member Nielito Tupas kag Vice Governor Christine Garin.
Samtang on-leave sanday 4th District Board Member Domingo Oso Jr., Liga ng mga Barangay President Dorothy Paes kag Provincial President SK Federation Ma. Angelica Bianca Requinto.
Kinahanglan nga makalab-ot sa walo ka mga board members ang yara sa session agud nga makuha ang quorum.
Bangud sini, gin re-schedule na lang ang session sa Hulyo 16.
