Ginkumpirma sang DOST-PAGASA nga naka-landfall na si Severe Tropical Storm Kristine sa Divilacan, Isabela 12:30 subong nga kaagahon, Oktubre 24.
Sa 11:00 pm nga Tropical Cyclone Bulletin, 15 ka mga lugar sa Pilipinas ang napaidalom sa Tropical Wind Cyclone Signal No. 3.
Ulihi nga nakit-an ang sentro sang bagyo sa coastal waters sang Palanan, Isabela dala ang maximum sustained winds nga 95 kph kag pagmadlos nga tubtub sa 130 kph. Nagahulag ini pa-naaminhan-nabagatnan sa kadasigon nga 20 kp/h.
Suno sa PAGASA, paabuton man ang “strong to gale-force gusts” sa Mimaropa, Bicol Region, Visayas, Basilan, Sulu, Tawi-Tawi, Zamboanga del Norte, Lanao del Sur, Northern Mindanao, Dinagat Islands, Surigao del Norte, Davao del Sur, kag Davao Oriental subong nga Huwebes.
Dugang pa sang weather bureau, may yara sang kasarangan tubtub mataas nga risgo sang life-threatening storm surge sa manubo ukon exposed coastal localities sang Ilocos Norte, Ilocos Sur, La Union, Pangasinan, Cagayan, Isabela, Zambales, Aurora sa masunod nga 48 ka oras.
Ginalantaw man nga magatabok ang bagyo sa naaminhan nga bahin sang Luzon sa masunod nga 12 ka oras.
“After traversing the mountainous terrain of Northern Luzon, the center of the severe tropical storm may emerge over the waters west of Ilocos Region tomorrow (24 October) morning or afternoon,” suno sa PAGASA. Dugang sini: “Kristine slightly weaken while crossing Northern Luzon due to land interaction, with downgrading into a tropical storm not ruled out. However, re-intensification may occur once the tropical cyclone moves over the West Philippine Sea.”
Posible nga magguwa ini sa Pilipinas sa Byernes sang hapon.#
