ILOILO CITY – Makabig nga palagpat ang ginapahayag sex den sa sulod sang Iloilo Terminal Market.
Ini ang reaksyon ni Punong Barangay Woody Delariarte, anay presidente sang vendor’s assocoation sa nasambit nga merkado, matapos nga nabalahuba ang tuhoy sa sex den.
Sa interview sang Bombo Radyo kay Delariarte, iya ginpahayag nga wala sang may nagakatabo nga sex den ukon sex for sale sa sulod sang merkado.
Suno kay Delariarte, ang mga papag nga yara sa ibabaw sang tagsa ka stall ang palahuwayan sang mga trabahador nga may yara sang partner.
Ginpahayag ni Delariarte nga mahimo nga nasal-an lamang nga sex den ang ibabaw sang tagsa ka stall.
Ang matuod nga may sex den suno sa punong barangay amo ang sa Mabini area sa diin madamu ang mga bugaw nga makita sa lugar.
Sa subong suno sa natungdan, wala na ginasiradhan ang entrance kag exit sang merkado bangud nga 24/7 na ang negosyo.
