ILOILO CITY – Dakop sa ginpatigayon nga drug buy bust operation ang isa ka sex worker sa Sto. Niño Norte, Arevalo, Iloilo City.
Ang subject ang ginkilala kay Wendy Joy De Jesus, 28 anyos sang Baluarte, Molo.
Sa interview sang Bombo Radyo kay De Jesus, iya ginpanginwala nga iya ang mga suspected shabu nga nakuha sa iya nga posisyon.
Gin-ako sang subject nga naga-gamit siya sadto sang iligal nga droga apang iya na ini gin-untatan kag wala man nagabaligya sang shabu.
Nakuhaan sang tatlo ka mga suspected shabu si De Jesus kag P600 nga buy bust money.
Nahibaluan nga drug surrenderee si De Jesus kag naka-graduate naman sa drug rehabilitation paagi sa Oplan Tokhang.
Samtang ginkumpirma naman ni Police Staff Sergeant Leonard Aquiatan sang Arevalo Police Station nga isa ka tokhang surrenderee si De Jesus.
Madugay man ang pag-monitor sang mga otoridad sa subject kag subong lamang nakapangita sang kahigayunan nga madakop ini.
