ILOILO CITY – Ginsapubliko na sang sexy actress nga si AJ Raval ang relasyon nila sang hunk actor nga si Aljur Abrenica masobra isa ka tuig matapos nga gin-link ang mga ini.
Kadungan sang Valentine’s Day, gin-share ni AJ ang picture nila sang actor nga may sweet message.
Pila ka minutos matapos ang confirmation ni AJ, nag-post man si Aljur sang ila nga picture.
Nahibaluan nga una nga na-link ang duha matapos nga nakita ang mga ini nga magka-upod sa pila ka mga lugar sa pungsod.
Si AJ kag si Aljur ang nag-updanay sa isa ka pelikula sang 2021.
Sang amo nga tion, ginpanginwala pa sang actress nga third party siya sa breakup nanday Aljur kag Kylie Padilla.
Ginklaro man ni Kylie ang pangalan ni AJ bangud nga suno sa iya, nagbulagay na sila ni Aljur sang April 2021.
Samtang, ginpanginwala man ni AJ kag sang iya amay nga si Jeric Raval nga nagabusong na ini.
Si Aljur kag Kylie ang may duha ka mga anak nga lalaki nga sanday Axl Romeo kag Alas Joaquin.
