Gin-ako ni former ex-officio member Sheen Marie Mabilog nga nabudlayan siya antes nakahimo sang desisyon nga magbuya sa line up ni Iloilo City Mayor Jerry Treñas.
Sa interview sang Bombo Radyo kay Mabilog, iya ginpahayag nga sa ila pinakaulihi nga pag-istoryahanay, naglisensya siya kay Ms. Raisa Treñas-Chu kag kay Mayor Treñas.
Suno kay Mabilog, yara sa gihapon ang iya respeto sa mag-amay, apang bangud sa nangin dalagan sang sitwasyon sa pulitika, nangin mabudlay man ini para sa iya.
Gin-athag man sang natungdan nga nangin “awkward” ang iya posisyon, apang nagapabilin siya gihapon sa kon ano ang iya tuyo para sa syudad, amo ang pagserbisyo.
Nahibaluan nga nangin executive assistant ni Mayor Treñas si Mabilog antes ini nga nagsipak kag nangin myembro sang kampo ni Iloilo City Lone District Rep. Jam-Jam Baronda.
