ILOILO CITY – Short Circuit ang ginalantaw rason sang Bureau of Fire Protection sa sunog nga natabo sa Barangay Oñate De Leon, Mandurriao, Iloilo City.
Ini ang natabo kahapon, ang imbukada nga adlaw sang 2021.
Sa interview sang Bombo Radyo kay Fire Senior Insp. Jesus Valenzuela, Iloilo City Fire Marshall, iya ginpahayag nga ang balay ang wala na gina-istaran apang may yara sang caretaker nga amo ang nagalantaw-lantaw na lang sang balay nga giapanag-iyahan ni Reynaldo Restipos.
Suno kay Valenzuela, sang gab-i antes ang natabo nga sunog, may yara sang suga nga nakabukas kag bangud nga nag ulan, mahimo nga ini ang nabasa halin sa tinulo sang tubig sa atop sang balay.
Sa inisyal nga imbestigasyon, P536,500 ang balor sang halit nga tuga sang sunog bangud duha ka mga balay sa isa lang ka compound ang ginlamon sang kalayo.
