Ginpanginwala sang Sibalom Municipal Police Station nga katapo nila ang nagpangkastigo sa apat ka mga manogbulang sa Sibalom, Antique.
Ini kasunod man sang ginpa-Bombo sang mga manugbulang ang mga pulis.
Sa interview sang Bombo Radyo kay Police Major Geremy Magbanua, hepe sang Sibalom Municipal Police Station, iya ginpahayag nga sa pagkamatuod, ang ila pa katapo ang nagbulig agud maluwas ang mga manubulang sa mga tawo nga nagkastigo sa ila.
Ini kasunod ang natukiban sang mga pumuluyo nga ang mga manogbulang ang nagapangbali sang tiil sang manok nga inogbulang.
Suno kay Magbanua, wala nila gintutokan sang armas ang mga manugbulang ilabi pa wala sila ginpakaon sang ila kaugalingon nga higko.
Ginklaro man sini nga wala na sang mga gamit ang mga manogbulang antes nga gin-inspeksyon ang ila salakyan kag kagamitan.
Gin-athag man ni Magbanua nga may mga lagob na nga daan ang mga manogbulang antes nadala sa police station.
Para sa iya “purely allegations” na lamang ang mga ginabato sa ila sang manugbulang kag wala sang kamatuoran.
Gindala man sila sa Police Station agud nga kuhaan sang mga litrato kag himuan sang documentary requirements.
Gin-inquest naman ang mga manugbulang apang nakapyansa rason nga nakaguwa kasunod sang pag-aresto sa ila.
Nahibaluan apat tanan ka manugbulang ang naaresto kag may duha ka mga nakapalagyo.
Tatlo ang naka-bail kag ang isa ang nagapabilin nga nakahunong sa lock up cell sang Sibalom PNP.
Nakuha naman sa posisyon sang manugbulang P30,000 cash ang ginkabig man nga ebidensya sang kapulisan nga nadag-an nila sa gambling.
