Nagapatigayon sang pila ka mga seminar ang Sibunag Municipal Police Station sa kada barangay sa probinsya sang Guimaras agud maedukar ang mga pumuluyo may kaangtanan sa Suicide Prevention.
Nahibaluan nga sini lang semana, nasapwan na lang ang 13 anyos nga bata nga babaye nga ginapahayag nag-suicide kag nagabitay na sa balayan gamit ang lubid sa Barangay Bubog, Sibunag, Guimaras.
Sa interview sang Bombo Radyo kay PLt. Val Cambel, hepe sang Sibunag Municipal Police Station, iya ginpahayag nga santo sa ila rekord, kadam-an sa mga naga-komiter sang suicide amo ang mga menor de edad.
Suno sa pulis, kabahin sang ila proyekto nga ‘PNP Project Vibes’ ang pagpahangop sa pumuluyo kun ano ang kahulugan sang suicide, ano ang ginatunaan sini kag paano ini malikawan.
Kaupod sang PNP ang Department of Social Welfare and Development (DSWD) kag iban pa nga ahensya sang gobyerno sa nasambit nga proyekto.
