Ginbatak na sang Philippine Atmospheric, Geophysical and Astronomical Services Administration (PAGASA) ang Tropical Cyclone Wind Signal No. 5 sa anom ka mga lugar sa pungsod samtang padayon nga nagabaskog kag nagapalapit sa kadutaan ang Super Typhoon Uwan nga subong pamahog sa Aurora kag Polillo Islands.
Sa pinakaulihi nga report sang PAGASA pasado alas-5 sang hapon, nakabatak ang Signal No. 5 sa mga masunod:
Naaminhan nga bahin sang Camarines Norte, lakip ang Calaguas Islands.
20 naman ka mga lugar ang yara sa idalom sang Signal No. 4, lakip ang pila ka bahin sang Isabela, Nueva Vizcaya, Benguet, Aurora, Nueva Ecija, Pangasinan, Quezon, kag mga kabanhawanan sa Bicol Region.
Samtang, nakabatak man ang Signal No. 3 sa bahin sang Luzon, lakip ang Metro Manila, kag pila ka lugar sa Visayas kag Mindanao, kaangay sang Cebu, Iloilo, Negros Occidental, kag Surigao del Norte.
Ulihi nga nasiplatan ang mata sang bagyo Uwan sa 110km sa naaminhan sang Daer, Camarines Norte ukon 150km sa sidlangan-naaminhan sang Infanta, Quezon.
Dala sini ang hangin nga may kabaskugon nga 185km/h kag pagmadlos nga nagalab-ot sa 230km/h, samtang nagahulag panakatundan-naaminhan-nakatundan sa kadasigon nga 30km/h.
Ginalauman nga magaigo sa kadutaan sang Aurora ang Super Tyhpoon Uwan subong nga gab-i ukon bwas sa aga, Nobyemre 10, kag magatabok sa kabukiran sang Northern Luzon, kun sa diin amat-amat ini nga magahina apang magapadayon nga bagyo.
Nagpanugyan man ang PAGASA sa storm surge nga possible magalab-ot sang masobra tatlo ka metro, ilabi na sa manubo nga baybayon sang Luzon, Visayas, kag pila ka bahin sang Mindanao.
