ILOILO CITY – Ginadumilian subong sang Simabahan Katolika ang magpangalawat gamit ang baba, pagkaptanay sang kamot kada pangamuyo sang Amay Namon kag pagkamustahanay gamit ang kamot kun mag “sign of peace”.
Ini ang mandu nga ginpagguwa sang Catholic Bishops’ Conference of the Philippines agud nga malikawan ang posible paglapta sang 2019-Novel Coronavirus.
Sa interview sang Bombo Radyo kay Rev. Father Angelo Colada, director sang Social Communication sang Archdiocese sang Jaro, iya ginpahayag nga nagakadapat nga kamot na ang gamiton sa communion ukon pagpangalawat kag indi na ang baba.
Suno kay Colada, ginmanduan man sang g Catholic Bishops’ Conference of the Philippines ang mga simbahan Katolka nga masami islan ang holy water kag butangan sang “protective cloth” ang grills sang confessionals.
Nag-isyu man sang Oratio Imperata ang g Catholic Bishops’ Conference of the Philippines para sa mga tawo nga positibo sa Coronavirus, mga medical experts nga naga research sa posible bulong sa nasambit nga balatian amo man sa mga nagabantay sa mga pasyente nga apektado sang virus.
Nahibaluan nga sa subong, wala sang positibo sa Coronavirus sa Pilipinas.
Apang base sa data sang Department of Health, may yara sang 23 ka tawo nga ginapaidalom pa sa obserbasyon bangud sa pagbatyag sang mga sintomas sang nasambit nga balatian.
