ILOILO CITY– inhatagan sang 7 nga score sang simbahan ang State of the Nation Address ni Presidente Rodrigo Duterte.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center, iya ginpahayag nga nanamian siya mamati sa tion nga gintukso ni Presidente Duterte ang mga ahensya sang gobyerno nga wala ginatungdan sang maayo ang paghatag sang serbisyo sa mga pumuluyo ilabi na sa mga kubos.
Suno kay Oso maayo ang tinutuyo sang Presidente nga dapat gilayon nga mahatag sa mga pumuluyo ang ginarequest nga mga permit ukon lisensya nagikan sa partikular nga ahensya.
Samtang nagakadapat man suno kay Oso nga tutukan sang maayo ang kongreso agud mauntat na ang nagakatabo nga kurapsyon.
Kinahanglan man nga magkooperar ang tagsa ka mga ahensya sang gobyerno agud mahatag sa mga pumuluyo ang maayo kag dekalidad nga serbisyo.
