Iloilo City – Ginpasalamatan sang Simbahan Katolika ang ginbulig ni the late Pope Emeritus Benedict XVI sa patag sang social communication.
Sa interview sang Bombo Radyo kay Fr. Angelo Colada, Director sang Social Communication, Archdiocese of Jaro, iya ginpahayag nga dako ang nangin kontribusyon ni Pope Benedict sa pagbaton sang teknolohiya para mangin palaagyan sa pagpalapnag sang ebanghelyo.
Suno man kay Fr. Colada, si Pope Benedict ang pinakauna nga pope nga nag-gamit sang Twitter sang 2012 agud magpakig-angot sa tanan nga tawo paagi sa online platform.
Sa subong, ginsubli na Pope Francis ang Twitter account sang anay Santo Papa.
