Nagahingyo ang Simbahang Katolika sa mga local government units (LGUs) nga i-adjust ang curfew agud nga mapahanugutan ang mas madamo nga misa sa tion sang Simbang Gabi nga magaumpisa sa Disyembre 16.
Suno kay Manila Bishop Broderick Pabillo, mahimo nga mabutang ang curfew sa 3:00 sa kaagahon tubtob 5:00 sa kaagahon agud mas madamo nga sumilimba ang makatambong sa mass services.
Kun mas madamo ang misa suno kay Pabillo, magalapta man ang mga tawo kag mas masunod ang physical distancing bangud indi sila magginutok sa isa lang ka lugar.
May kaangtanan diri, nagaapelar man ang simbahan sa National Inter-Agency Task Force nga pahanugutan ang 30 percent capacity sa mga simbahan.
Mahimo man nga makatambong sa misa ang mga Pinoy subong nga Undas bangud ginpasiraduhan ang kalabanan nga mga patyo bilang kabahin sang pagpanagang sa COVID-19 transmission.
“Yung Undas naman, pakiusap namin sa mga tao, magsimba sila sa Nov. 1 and Nov. 2… Pwede sila magsimba, dadamihan namin ang misa sa simbahan,” pahayag ni Pabillo.
