Nagpaandam ang Jaro Archdiocesan Social Action Center sa publiko nga indi magpatiplang sa mga tawo ukon mga opisyal sang gobyerno nga masami nagagamit sang mga bersikulo sa bibliya.
Kaangot ini sa masami nga paggamit ni Senate President Alan Peter Cayetano sang mga bible verses sa iya nga mga pahayag sa publiko.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center, iya ginpahayag nga bisan ang demonyo naga-quote sang bibliya.
Suno kay Oso, mahapos lang para sa iban nga magpanago sa likod sang pulong sang Diyos apang indi maayo ang katuyuan.
Dugang niya, indi tanan nga mahilig magbuya sang mga pulong nga halin sa bibliya ang nagasunod sa kabubut-on sang Diyos.
Ini ang rason suno kay Oso nga importante nga mangin vigilante kag mangin mabinantayon ang publiko nga malantaw sang maayo ang sinseridad sang tawo nga masami nagagamit sang mga bersikulo sa bibliya.
Samtang, kaangot sa pagka-vigilante, ini man dapat ang gamiton sang publiko sa pagbantay sang mga hitabo sa pag-convene na sang senado bilang impeachment court sa trial vs VP Sara Duterte.
