Nagpabutyag sang dako nga paglaum ang isa ka Catholic bishop nga matabo na sa labing madali nga tion ang pagsaylo sa Pilipinas kay Mary Jane Veloso, ang Pinay nga yara sa death row sa Indonesia.
Suno kay Antipolo Bishop Ruperto Santos sang Church-based migrants’ organization Stella Maris-Philippines, ang pagsaylo kay Veloso ang isa ka “crucial moment” para sa iya kag sa iya pamilya.
Sang nagligad nga semana, ginsiling sang Coordinating Ministry for Legal, Human Rights, Immigration, and Correction sang Indonesia nga ginakonsiderar nila ang option sang “transfer of prisoner” ukon prisoner transfer para sa foreign inmates kalakip na si Veloso bilang kabahin sang constructive diplomacy.
Sang 2015, gin-anunsyo ni anay Indonesian President Joko Widodo nga ginhatagan sang gobyerno si Veloso sang “temporary reprieve” gikan sa iya naka- schedule nga execution para sa ginaalegar human trafficking.
Ginpasaka ang human trafficking case kag large-scale illegal recruitment batok sa mga traffickers ni Veloso nga sanday Julius Lacanilao kag Cristina Sergio, sa Regional Trial Court sang Nueva Ecija.
Sang 2020, gindagdagan sang guilty verdict ang recruiters sa kaso nga illegal recruitment samtang pending naman ang sa trafficking case.
Sang Enero subong nga tuig, nagpadala ang pamilya ni Veloso sang sulat kay Joko Widodo kag President Ferdinand Marcos Jr. para mag-appeal sa iya clemency.
