ILOILO CITY-Ginaagda sang Simbahang Katolika ang tanan nga mga tumuluo sa pag-obserbar sang Mierkules de badles ukon Ash Wednesday nga nagamarka sang pagsugod sang kwaresma subong nga adlaw.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Centre, iya ginpahayag nga ang Mierkules de badles ang may tatlo ka mga haligi.
Ini amo ang penance ukon paghinulsol sang mga sala, prayer ukon pagpangamuyo kag alms giving ukon ang paghatag sa isig katawo ilabi na sa mga nagakinahanglan.
Suno pa kay Msgr. Oso, subong nga Mierkules de badles, pangamuyu-an man nga matapos na ang inaway sa Ukraine kag magluntad na ang genuine and lasting peace sa kalibutan.
Samtang, yari ang schedule sang litrugical celebrations sa Jaro Metropolitan Cathedral subong nga adlaw:
Ang misa sa main altar ang patigayunon 5:30 sa aga, 6:30 sa aga, 12:15 sa hapon, 5:30 sa hapon, kag 7:30 sa gab-i.
May ara naman sang liturgy of the word sa St. John Paul II Hall ukon sa Grotto sa 9:00 sa aga, 10:00 sa aga, 3:00 sa hapon, 4:00 sa hapon, 5:00 sa hapon, 6:00 sa gab-i kag 7:00 sa gab-i.
