ILOILO CITY- Ginlaslasan sang Simbahang Katolika ang US most wanted suspected sex trafficker nga si Pastor Apollo Quiboloy.
Ini matapos ginpahayag ni Quiboloy nga katoliko ang kadamuan sa mga drug lords, drug addicts kag drug pusher.
Sa interview sang Bombo Radyo kay Msgr. Meliton Oso,director sang Jaro Archdiocesan Social Action Center (JASAC), iya ginpahayag nga sila sa Simbahang Katolika ang nagabulig sa mga Katoliko nga naglisa sang dalan.
Suno kay Oso, indi dapat pagdalahigon ni Quiboloy ang relihiyon sang isa ka tawo kun nakahimo ini sang sala.
Ginpahayag ni Oso nga mangin si Quiboloy nga lider sang Kingdom of Jesus Christ ang makasasala man nga tawo sa diin madamo man ini sang ginapangatubang nga kaso.
Gindugang pa ni Oso nga handa man siya magtanyag sang bulig kay Quiboloy kun interesado ini magpaidalom sa rehabilitation kun may problema ini sa addiction.
Matandaan nga ginbalhag sang US Federal Bureau of Investigation (FBI) sang Enero 1 ang wanted poster ni Quiboloy bangud sa conspiracy to engage in sex trafficking by force, fraud and coercion, and sex trafficking of children; sex trafficking by force, fraud and coercion; conspiracy;kag bulk cash smuggling.
Si Quiboloy ang self-proclaimed nga “Owner of the Universe” kag “Appointed Son of God.”
