ILOILO CITY– Nagapanawagan ang Simbahang Katolika sa tagsa ka mga tumuluo nga sundon ang mga protocols nga ginapatuman sang Inter-Agency Task Force kag sang gobyerno agud matapna ang paglapta sang Coronavirus disease 2019 (COVID-19).
Sa interview sang Bombo Radyo kay Msgr. Meliton Oso, Director sang Jaro Archiocesan Social Action Center, iya ginpahayag nga kuntani sa subong mangin responsable ang tagsa-tagsa agud matapos na ang problema sa pandemya.
Suno kay Oso, nagakadapat nga magbuligay ang tagsa-tagsa agud indi man mabudlayan ang lokal nga gobyerno.
Indi man dapat magpakulba suno sa natungdan, bangud kun nagasunod lang sa pagsulundan, ang tanan ang mangin matalunsay kag malahalon man nga palig-unon sang tagsa-tagsa ang ila hugot nga pagtuo sa Ginoo.
