ILOILO CITY – Magapabilin ang 1-meter physical distance sang mga deboto nga magasaksi sa santos nga misa.
Ini ang sabat ni Msgr. Meliton Oso, director sang Jaro Archdiocesan Social Action Center, may kaangtanan sa gina-debatehan nga measurement kun physical distancing ang pagahambalan.
Sa interview sang Bombo Radyo kay Msgr. Meliton Oso, Director sang Jaro Arcdiocesan Soical Action Center, iya ginpahayag nga ang mga nagabaisay may kaangtanan sa nagakaigo nga physical distance ang lunsay man lang mga eksperto.
Suno kay Msgr. Oso, apektado ang mga church activities bangud sa ginapatuman nga quarantine protocol kun sa diin limitado lamang sa 50% ang mahimo nga makatambong sa misa samtang ang iban naman nga aktibidad ang ginkansela na lang bangud nga ginadumili-an ang mass gathering.
Sa pagkamatuod suno kay Msgr. Oso, madamo na nga deboto ang nagreklamo sa iya tuhoy sa restrictions nga ginapatuman apang nagakadapat nga magsunod ang Simbahang Katolika sa ginapatuman sang Inter-Agency Task Force.
Samtang ginabaisan sang mga mangin-alamon ang tuhoy sa nagakaigo nga physical distancing measure, ginpahayag sang natungdan nga ipatuman sang Simbahang Katolika kun ano ang una nga ginkasugtan.
