Gin-athag sang Simbahang Katolika nga wala sila sang gina-endorso nga kandidato nga nagapadalagan sa May 2022 elections.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center (JASAC), iya ginpahayag nga ang ila lang nga responsibilidad amo ang magpalab-ot sang moral guidelines sa publiko agud nga ila mangin basehan sa ila pagpili sang ila pagabotohon.
Ang heirarchy sang simbahan nga ginalakipan sang mga obispo kag kaparian ang wala sang gina-endorso suno kay Msgr. Oso.
Masami lang suno sa natungdan nga may yara sang nagapangayo sang pangamuyo sa mga pari kag obispo apang ini ang indi sahi sang pag-endorso.
Kinahanglan suno sa natungdan nga mabatian mismo nga naghalin sa baba sang obispo nga may yara ini sang ginasuportahan nga kandidato.
