Gin-ganyat ni Manila Archbishop Jose Cardinal Advincula ang tanan nga mga Katoliko nga mangin peregrino sang paglaum sa tunga sang mga isy sa kalibutan sa pagsugod sang mga katoliko sang Jubilee year sa Christmas eve.
Sa iya Christmas Eve Mass sa Manila Cathedral, ginsiling ni Advincula nga may iban nga tawo nga nagaeksperyensiya sang kapigaduhon, pagkahilayo sa pamilya, kag pagpang-abuso gikan sa poderoso kag maimpluwensiya nga mga tawo, kaangay sang adlaw nga ginbun-ag si Hesukristo ukon ang una nga Paskwa.
Naghalad man sang pangamuyo si Advincula para sa tanan nga pamilya nga indi gid madulaan sang paglaum kag batyagon gid ang presensiya ni Hesus.
Una na nga ginproklamar ni Pope Francis nga ang Jubilee Year ang opisyal nga magasugod paagi sa pagbukas sang Holy Door sang St. Peter’s Basilica sa Christmas Eve.
Ini ang matapos sa Enero Jan. 6, 2026, sa solemnity of the Epiphany of the Lord.
Ginmando ni Pope Francis ang tagsa ka katedral nga maghalad sang Eucharistic celebration sa December 29 bilang balaan nga pagbukas sang Jubilee Year para sa ila local nga komunidad.
Suno sa Catholic Bishops’ Conference of the Philippines, ang jubilee isa ka special holy year sang grasya kag pilgrimage sa Catholic Church.
Ini masami nagakatabo kada 25 ka tuig apang ang santo papa mahimo nga magpatawag sang ekstraordinaryo nga jubilee year kaangay sang 2016 Year of Mercy ukon ang 2013 Year of Faith.
