ILOILO CITY – Pahanugutan ang Simbang Gabi sang Inter-Agency Task Force for the Management of Emerging Infectious Diseases apisar ginpaidalom sa General Community Quarantine (GCQ) ang Syudad sang Iloilo.
Sa exclusive interview sang Bombo Radyo kay Rev. Fr. Angelo Colada, Director sang Social Communication sa Archdiocese, Jaro, Iloilo City, iya ginpahayag nga nagapasalamat ini nga madayon ang simbang gabi apang sundon ang minimum health protocols.
Wala man nagalagas sang kadamuon sang pumuluyo ang simbahan suno kay Father Colada rason nga unahon ang seguridad sang pumuluyo.
Pahayag sang natungdan, mangin istrikto man ang pagpatuman sang 1 meter social distancing.
