ILOILO CITY – Magalawig tubtub sa Oktubre 2 ang ginapatuman nga surgical lockdown sa 23 ka mga barangay sa syudad sang Iloilo bangud sa na record nga active COVID-19 cases.
Ini matapos nga nagpaguwa sang Executive Order no. 151 si Mayor Jerry Treñas kun sa diin nakasaad diri nga ang surgical lockdown ang epektibo 6:00 sang kasisidmon sang Setyembre 29.
Santo sa listahan sang COVID-19 team,yari ang mga barangay nga ginpaidalom sa 3-day surgical lockdown:
Sa Jaro:
MH Del Pilar – Zone 2,3 kag 5 (3 cases)
Tabuc Suba – Sitio Centro Compound, Don Delfin Cabales Compound kag Mutual Homes Subd. (3 cases)
Simon Ledesma – Sitio Taytay (13 cases)
Lanit – Zone 1,3 kag 7 lakip na ang Subaldo Compound (10 cases)
Ma. Christina – Palawan area (5 cases)
San Isidro – Zone 6 kag 8 (6 cases)
MV Hechanova – Gran Plains phase 2 kag Alusiman Street (4 cases)
Bitoon – Zone 1,2 kag 7 (3 cases)
Sa Mandurriao:
Q. Abeto – Ames Circle kag Mirasol Coumpound (3 cases)
Bolilao – Block 45,46 kag 47, Dike 1 kag Malipayon (3 cases)
Bakhaw – Zone 1,2 kag 5 (5 cases)
Sa City Proper:
Zamora Milleza – Zone 3 (3 cases)
Concepcion – Zone 2,3 kag 6 (6 cases)
Sa Molo:
Calumpang – Zone 1 (8 cases)
San Juan – Zone 2 (4 cases)
Sa Arevalo:
Calaparan – Zone 12 kag 15 (3 cases)
San Jose – Glory Ville Subd. (5 cases)
Sa La Paz:
Masaya -North Mansaya (3 cases)
Lopez Jaena Sur – San Gregorio Subd., Jereos Extension, Jaresco Compound kag La Granja (8 cases)
Caingin – Zone 2,3 kag 6 (7 cases)
Nabitasan – Zone 2 kag 5 (5 cases)
McArthur – Zone 1 kag 3 (4 cases)
Baldoza – Zone 1, 2 kag 4 (3 cases)
Sa surgical lockdown, indi pagsiraduhon ang bug-os nga barangay kundi ang sitio ukon zona lang nga may yara sang COVID-19 cases.
Sa bahin naman sang Iloilo City Hall, naglab-ot na sa 108 ang mga empleyado nga nagpositibo sa virus.
Santo sa data sang City Epidemiology and Surveillance Unit kag sang City Health Office, sa period sang September 23 -27, 54 ka COVID-19 cases ang na record.
Magluwas diri, may 29 na nga daan nga na record kag 25 ang nagdugang subong nga adlaw, Setyembre 29.
May yara naman sang listahan nga ginpaguwa ang Iloilo City Government kun sanday sin-o nga mga empleyado ang nagnegatibo kag mahimo na nga makapadayon sa pagtrabaho.
