Nag-advise si anay Ombudsman Conchita Carpio Morales kay Ombudsman Jesus Crispin Remulla tuhoy sa kaso ni Sen. Joel Villanueva nga una na nga na-dismiss sa panahon ni anay Ombudsman Samuel Martires.
Si Morales ang nagpagguwa sa 2016 sang dismissal order batok kay Villanueva nga anay representante sang Citizens’ Battle Against Corruption Party-List (CIBAC).
Ini ang may kaangtanan sa ginaalegar nga maanomaliya nga paggamit sang iya P10-million nga Priority Development Assistance Fund ukon pork barrel.
Nagkonsulta naman si Remulla kay Morales kadungan sang kagustuhan sini ma-imbestigaran ang kontrobersyal nga isyu.
Suno kay Remulla, ginhambalan siya ni Morales nga umpisahan ang imbestigasyon sa mismo nga record sang kaso sang Senador.
Pahayag pa ni Remulla nga may yara sang team nga nagabusisi sa tanan nga record kag dokumento angot sa kaso ni Villanueva.
Lakip sa mga ginatun-an sang Office of the Ombudsman amo ang kun ang mosyon ni Villanueva nga nagahingyo para ma-dismiss ang iya kaso ang iga-file sa prescribed period nga lima ka adlaw.
