ILOILO CITY- Magapatigayun sang simulation exercise ang Department of Education sa maabot nga August 03, 2019 para sa nagkalain-lain nga learning delivery modalities sa sini nga school year.
Sa interview sang Bombo Radyo kay Dr. Ruben Libutaque, Chief Education Supervisor sang Curriculum Implementation Division sa Schools Division of Iloilo, iya ginpahayag nga tinutuyo sang simulation exercise amo nga masekyar kag mahatagan sang nagakaigo nga igtalupangod ang kun ano man nga problema sa pagpatigayun sang nagkalain-lain nga learning delivery modalities.
Suno kay Libutaque, sa Agosto 3, may yara sang sections sang kabataan sa nagkalain-lain nga grade level nga magagamit sang nagkalain-lain nga modalities, ang kuhaon agud mangin kabahin sang nasambit nga exercises.
Magapatigayun man suno sa iya sang diskusyon ang mga manunudlo agud mahatagan sang nagakaigo nga sabat ukon solusyon kun ano man ang mangin problema sa bag-o nga modes sang pagtuon sang kabataan.
Ginpasalig man sang natungdan nga padayun ang pagpanghanda sang ahensya para sa liwat nga pagbukas sang klase.
