Nagahulat na lang ang pila ka mga barangay sa syudad sang Iloilo sa mangin schedule sang distribution sang cash assistance sang Department of Social Welfare and Development.
Sa interview sang Bombo Radyo kay Punong Barangay Ruby Ann Geanga sang Banuyao, LaPaz, iya ginpahayag nga may napasa na ang barangay nga 479 beneficiaries sa ahensya apang ini ang first batch pa lang.
Samtang sa bahin naman sang Barangay Balabago, Jaro, ginpahayag ni Punong Barangay Edgar Arañador nga na delay ang pag-release sang cash assistance sa ila bangud dako ang nasakopan sang iya lugar.
Buot silingon, linibo ang iya mga residente kag ma-uti pa ang pag-encode sa diin kun kaisa, ginapulawan pa ini sang barangay officials.
