Nagpaandam ang Department of Justice nga manabat sa layi ang sin-o man nga madakpan nga nagatago sa pugante nga si Charlie ‘Atong’ Ang.
Suno kay Justice Spokesperson Atty. Polo Martinez, posible mangatubang sa kaso nga ‘Obstruction of Justice’ ang sin-o man nga mapamatud-an nga nagabulig agud matago si Ang.
Matandaan nga gin-isyuhan sang ‘arrest warrant’ gikan sa Regional Trial Courts sang Lipa, Batangas kag Sta. Cruz, Laguna si Ang apang tubtob subong, wala pa ini maaresto.
Ginaatubang sini ang kasonga ‘kidnapping with homicide’ kag ‘kidnapping with serious illegal detention’ may kaangtanan sa missing sabungeros.
