Ginpanginwala ni Philippine National Police (PNP) chief Police General Debold Sinas nga nakabaton na siya sang bakuna batuk sa COVID-19.
Ini matapos ginbuyagyag ni Ramon Tulfo, anay Philippine special envoy to China, nga ang bakuna nga gindevelop sang Chinese pharmaceutical company nga Sinopharm amo ang gintublok kay Sinas kaupod ang iya mga security escorts.
Suno kay Sinas, kun nabakunahan na siya, wala siya kuntani natapikan sang COVID-19.
Nahibaluan nga ginkumpirma sang PNP nga nagpositibo sa virus si Sinas sang nagligad nga semana.
Ginlapas man sang PNP Chief ang health protcols sang nagbisita siya sa Oriental Mindoro — amo man nga adlaw sang natukiban nga nagpositibo siya sa balatian.
