Maisog nga gin-kwestyon pinaagi sa sulat sang aktres nga si Angel Locsin ang gobyerno angot sa mga prayoridad subong nga may coronavirus pandemic.
Sa sulat sang aktres, iya ginpahayag nga kuntani may yara sang plano ang gobyerno sa mga mamumugon kag business owners nga nadulaan sang palangabuhian.
Suno kay Angel, madamo sang oras ang gobyerno nga kontrahon ang ABS-CBN, pag-ilis sang pangalan sang airport kag anti-terrorism bill apang ang kinahanglan mabatian sang tawo amo ang plano sang gobyerno sa pagpapas sa Coronavirus, palno sa mga frontliners, plano sa edukasyon para sa mga pigado nga wala sang access sa internet, balik-probinsya kag mga na stranded nga Overseas Filipino Workers sa iban nga pungsod.
Sa katapusan sang sulat ni Angel, ginpakilala niya ang iya kaugalingon bilang taxpayer.
Nahibaluan nga sang nag umpisa pa lang ang pandemya sa pungsod, nakit-an sang tanan nga mga Filipino ang pagka-aktibo ni Angel sa pagbulig sa mga naga-kinahanglan ilabi na ang paghatag sang kinahanglanon sang mga frontliners kag vulnerable sectors.
