Plano sang Singapore-based renewable energy company nga Vena Energy nga mag-invest sang 52 bilyon pesos sa Pilipinas.
Ini agud madugangan sang 1.29 gigawatts ang kapasidad sang renewable energy sa pungsod.
Nakighinun-anon na si President Ferdinand Marcos Jr. sa mga opisyal sang kumpanya sa iya nga lima ka adlaw nga working visit sa Singapore.
Sa subong naga-operate na ang Vena Energy sang mga proyekto nga may kapasidad nga 887 megawatts.
May dugang man nga 1.26 gigawatts nga mga proyekto nga pagatukuron, lakip na ang solar, wind, kag hybrid energy facilities sa Pangasinan kag Ilocos Norte.
Ginasuportahan sang plano nga investment ang target sang gobyerno nga makakuha sang 35% nga suplay sang kuryente halin sa renewable energy paglab-ot sang 2030, samtang 50% naman paglab-ot sang tuig nga 2040.
