Nagalalaw man ang entertainment industry sa South Korea matapos nalakip ang isa ka young actor sa mga napatay sa natabo nga Halloween crowd surge.
Ginkumpirma sang talent agency ni Lee Ji-han nga nadala siya sa 154 nga ginbawian sang kabuhi sa amo nga insidente sa Itaewon sang Oktubre 29.
24 anyos pa lang si Lee kag ang iya nga showbiz debut amo ang 2017 variety show nga Produce 101 Season 2.
Ang iya naman nga first acting gig amo ang 2019 web drama nga Today Was Another Nam Hyun Day.
Ginapahayag nga isa siya kuntani sa cast sang isa ka upcoming drama series nga magaumpisa sa January, 2023 kag ginapahayag nga naka-umpisa naman siya sa pag-shoot para kuntani sa amo nga series.
Nagpalab-ot naman sang mensahe sang simpatiya ang iban nga mga artista lakip na ang iya nga Produce 101 cast mates.
