Ginpakigbahin sang singer nga si Gigi De Lana sa iya social media nga na-diagnose ini nga may pericarditis.
Ini isa ka kondisyon kun sa diin nagakaapektuhan ang lining sang palibot sang iya tagipusuon.
Suno sa singer nga ang sakit ang nagatuga sang gulpiyada kag makahaladlok nga pagpin-ot sang dughan.
Dugang pa sini nga nagapaidalum na siya sa karun sa pagpabulong kag maid-id nga monitoring sang iya doctor.
Tuman naman ang pasalamat sang singer sa iya mga fans nga padayon nga nagasuporta sa iya kag nagpasalig nga magapaayo ini agud nga makabalik sa entablado.
Madumduman nga si De Lana ang nalipong sa tunga sang iya concert sa Samal Island sang nagligad nga semana nga naghatag man sang dako nga palapamangkutanon sa iya mga fans tuhoy sa iya ikaayong lawas.
