ILOILO CITY – Ginbuyagyag sang singer nga si Moira dela Torre nga nag-istoryahanay sila sang iya bana nga si Jason Marvin Hernandez may kaangtanan sa pila ka mga importante nga butang.
Ini ang ginpakigbahin ni Moira sa iya concert sa Davao City.
Suno kay Moira, naga-istoryahanay sila may kaangtanan sa mga papeles kag kun paano maka-move on nga wala sang bitterness apisar nga indi ini ang ila nga ginplanuhan sang una.
Sunod niya nga ginkanta ang “Rewritten Vows” nga suno sa iya, tuman ka layo sa sitwasyon kun ipa-anggid sang nagligad nga duha ka tuig.
Sang May 2022 sang gin-confirm sang mag-asawa ang ila pagbulagay. Gin-ako ni Jason nga nangin unfaithful ini sa iya asawa sa ila tatlo ka tuig nga pag-asawahay.
Samtang, sang Hulyo lamang sang ginpakigbahin ni Moira nga naga-enjoy na siya sa bag-o nga season sang iya kabuhi.
