ILOILO CITY- Ginaantos sa malawig na nga panahon sang mga residente sang Sinikway, Lapuz, Iloilo City ang pagbaha sa tion nga magbubo ang ulan.
Sa interview sang Bombo Radyo kay Josephine Bernarte, iya ginpahayag nga pila na ka dekada nga problema nila ini sa barangay bangud humalin sang dalaga pa ini kag subong nga may pamilya na, wala gid ini nasolusyunan.
Suno kay Bernarte, masami nga apektado ang mga balay nga manubo ang salog bangod nga ginasul-ob gid sang tubig partikula sa Blocks 8,9,10, kag 11.
Ginatudlo nga rason sang pagbaha amo nga ang alagyan sang tubig sa Budburan creek sa Don Esteban ang nagkipot rason nga indi na makalusot ang tubig.
