ILOILO CITY – Tuman ka delikado ang sinkhole ukon ang pag-usmod sang duta tuga sang pagkatunaw sang limestone.
Sa interview sang Bombo Radyo kay Dr. Leilanie Suerte, supervising geologist sang Mines and Geosciences Bureau Regional Office 6, iya ginpahayag nga ang sinkhole ang pila lamang sa geological hazards nga mahimo matabo.
Sa Western Visayas suno kay Dr. Suerte, ang mga geological hazard nga mahimo matabo ang ginalakipan sang linog, landslide, flooding, storm surge kag sinkhole.
Suno kay Dr. Suerte, may yara sang pila ka rason kun nga-a may nagatuhaw nga sinkhole nga mahimo makatuga sang tuman ka daku nga halitsa tawo kag sa propidad.
Ginpahayag ni Dr. Suerte nga amat-amat nga nagatunaw ang limetone sa idalom sang duta, hinali lang nga nagatuhaw ang sinkhole.
Kun kaisa suno sa natungdan, ang sinkhole ang nagadaku kasubong sang isa ka balay.
