ILOILO CITY-Gin-ako sang site engineer sa gina-construct nga seawall sa Brgy. Guibongan, Miagao, Iloilo, nga may yara sang kakulangan sa ila nga bahin rason kun nga madasig nga naguba ang structure bangud sa hampak sang dalagko nga balod.
Sa interview sang Bombo Radyo kay Engr. Nathaniel Unifa, site engineer sa proyekto nga ang kontraktor amo ang Asia Structural Developer Corporation, iya ginpahayag nga posible nga nipis lamang ang ginbuhos nga semento rason nga nipis man ang natukod nga seawall.
Suno kay Unifa, siya mismo ang nanugunan ilabi na nga P48 million ang ginpain nga pondo para sa 257 meters kalaba nga seawall nga ginsuguran sang September 2023.
Sa subong, gina-repair na ini paagi sa pagbutang sang cement cubes agud indi dalayon nga maab-ab sang tubig-dagat.
Kaangot diri, ginpasiguro ni Mayor Richard Garin nga ipakaayo kag indi pagpabay-an ang naguba nga seawall.
